La Boîte à merveilles 1er bac darija arabe résumé
 |
| رواية La boite à Merveilles بالعربية |
ملخص الرواية باللغة العربية
كالعادة ديالو سيدي محمد كيمشي مع الصباح للمسيد(الجامع فين كيحفظ القران) ولكن كانت شي حاجة فشكل هذه المرة حيت كان الفقية على غير العادة ديالو فرحان وعاجبو الحال ومامعصبش ، داز شوية الوقت وهو يدوي معاهم الفقيه وقال ليهم بلي عاشوراء مابقا ليها والو وبانه خصهم يبداو يوجدوا ليها مزيان والعشية الفقيه خلاهم يمشيوا وقال ليهم
سيروا رجعوا لديوركم باراكا عليكم اليوم حتال غدا.
صافي هنا سيدي محمد رجع لدارهم ولقى الام ديالو زبيدة كتعاود كيفاش صاحبتها عائشة ضحات بالمجوهرات ديالها وباعتهم باش تعاون راجلها حيت عندو شي مشاكل في الخدمة (قرا الفصل 4 مزيان باش تعقل) ،داز شوية الوقت وهما يبداو يسمعوا شي غوات فالزنقة ملي خرجوا باش يعرفوا اش دكشي طاري لقاو بلي سيدي محمد بالطاهر الحلاق توفى الله يرحمو ويغفر ليه وعدد كبير ديال الناس كانوا كيبكيوا.
ماننساوش انه سيدي محمد كان غير طفل صغير دشكي علاش هاد الاجواء ديال الموت والحزن اثرات عليه بشكل كبيروالمراوات لي كانوا كيتحيروا ويندبوا فالعشية ولى مريض و دخل في واحد الحالة هيستيرية وتروع وخاف بزاف لكن من بعد بجا باباه كيهدئ فيه وكيقوليه شي حوايج زوينين وتحسن شوية وتهدن.
من تم خرج كيلعب في الزنقة وهاز فيديه واحد السلسلة ديال المجوهرات ديال بلعاني بان ليه تماك المش ديال زينب بنت جارتهم وربط ليه ديك السنسلة فعنقو والمش ما فهم والو خاف وهرب هه ومشات ليه السلسلة ديالو، سيدي محمد تعصب بزاف وبدا كيغوت ومشا عند ماماه قال ليها بلي زينب هي لي حرشات القط ديالها حتى دا ليه المجوهرات ديالو وسالا لينا هنا الفصل 5.
في بداية هاد الفصل بداو الطلبة ومعاهم سيدي محمد يستعدوا لعاشوراء في المسيد (الجامع فين كيحفظوا القران ) وكل وحدين تجمعوا وتقسموا لفرق باش يساعدوا بعضياتهم ويقادوا الجامع من الصباغة ديال الحيوطة للتنظيف حيت تماك فين غادين يحييوا الذكرى ديال عاشوراء كان سيدي محمد فخور بزاف وكيسحاب انه بلا بيه حتا حاجة من هاد التجهيزات ماكانت غادي تصدق.
من بعد سيدي محمد مشا معا الام ديالو زبيدة للقيسارية على قبل الحوايج الجداد ديال المناسبة ديال عايشورا وهو فرحان بزاف حيت كيسحاب ليه بيلا غادي يولي بحال شي امي ملي غادي يلبس دوك الحوايج وبلي ماماه غادي تشري ليه شي حوايج ناضين وماضايرينش ولكن ملي مشاو للقيسارية صدقات شارية ليه حوايج عاديين وماشي بحال دكشي لي كان كيتخيل ،شرات ليه جيلي و واحد القميجة وبلغة ولكن كلهم جاو كبا عليه باش يبقا يكبر مع دوك الحوايج.
ملي رجعو للدار طلبات منهم رحمة جارتهم يدخلوا عندها باش تشوف داكشي لي شراو من القيسارية شوية وهي تنوض واحد المضاربة بين سيدي محمد وزينب وتماك ناضت زيبدة بقات كتغوت على ولدها ومن بعد تجمعوا شي عيالات من الجارات لي ساكنين حداها وعاودات ليهم رحمة واحد القصة ديال لالة خديجة والعم عثمان وكانت كتضحك وهنا غادي يسالي الفصل 6.
في هاد الفصل باقي يوم واحد قبل من عاشوراء وعاود لينا الاحداث والتجهيزات لي كتطرا في هذاك النهار، لي كانت فيه النساء كتشري البنادير وسيدي محمد فرح بزاف حيت الاب ديالو شرا ليه واحد الهدية عبارة عن بندير صغير، وكالعادة غادي يمشي للمسيد وغايشارك في التحضيرات لي بقاو، ومشا مع باباه عند الحلاق وتماك بقا كيسمع الهضرة ديال الكبار ولكن هو بحال ديما كعما مسوق ليها في يوم عاشوراء غدي إفيق بكري سيدي محمد وغادي يلبس الحوايج الجداد ديالو(لي كبار عليه) عاد غادي يمشي إلى المسيد مع باباه باش احتفال بهذا اليوم الاستثنائي لي ماغاديش ينساه، فاللخر جاءت عائشة باش تزورهم وهنا سالا الفصل 7.
مع بدينا الفصل 8 كاع الاجواء ديال الاحتفالات والفرحة والنشاط ديال عاشوراء غادي تكون سالات والحياة غدي ترجع الى الروتين والملل ديالها المعتاد. بدات الايام الاولى ديال الصيف كتدخل مع الحرارة الكبيرة والصهد .الحفاظة ديال القران والتعلم ديالو ولا مستحيل مع هاد الحرارة المسيد ولا سخون بزاف ومابقاش مناسب باش الطلبة يبقاو يقراو فيه، وبسباب هادشي تحولوا لواحد المكان قريب ومجاور للمسيد ومبرد شوية باش يبقاو يقراو فيه ويحفظوا القران، وهنا سدي محمد غدي يعجبو الحال ولى كيحفظ مزيان.
الاب ديالو كان جد فخور بولدو وبالاجتهاد ديالو وغدي ديما افتاخر بيه كلما هدر ليه الفقيه عليه.مشا سيدي محمد مع أمه وأبيه وفاطمة البزيوية الى السوق ديال المجوهرات باش تشتري زبيدة الام ديال الراوي شي مجوهرات ، لكن الأب دخل في مضاربة (صراع يدوي) عنيف مع واحد السمسار (دلال:وسيط بين البائع والشاري).
وهنا غدي رجع الطفل وأمه وفاطمة البزيوية إلى الدار كيتسناو أخبار الأب اللي رجع في اللخر ديال النهار هاز معها المجوهرات للأم زبيدة اللي بدورها رفضتها لأنها بالنسبة ليها بمثابة نذير شؤم وغدي تكون سبب في إفلاس العائلة ولكن في اللخر خدات المجوهرات،المشاكل ماسالاتش هنا حيت عائشة غدي يخليها الراجل ديالها وغادي يمشي يتزوج امراة اخرى لي كانت هي بنت الحلاق عبد الرحمان. وهنا سالا الفصل 8.
الفصل 9 حتا هو كان حزين وباقي الشؤم فيه،الاب ديال سيدي محمد غادي يخسر راسمالو كامل وغدي قرر باش يبيع المجوهرات والذهب باش يقدر يمشي يخدم في النواحي ديال فاس (غادي يخدم في مهنة الحصاد) خلا للام شي مصروف تقضي بيه مني يكون هو خدام بعيد، سيدي محمد باقي مريض وكيعاني من الحمى، بالنسبة ليه اللحظة ديال خروج الاب ديالو من المنزل كانت من اكبر الاحداث لي اثرات عليه نفسيا وبقا فيه الحال بزاف حيت ماغاديش يبقا يشوف الاب ديالو كيفما من قبل بل حتى الصندوق ديال العجائب ديال لي كان مصدر ديال الامان والطمانينة ديالو ولا كيخاف منو ولا كيشوف اشباح. واحد النهار زارت زبيدة صاحبتها وصديقتها عيشة اللي اقتارحت عليها تزور المشعوذ والعراف المشهور سيدي العرافي. وهنا سالا الفصل 9.
فهاد الفصل غادين يمشيوا يزورو العراف والمشعود الاعمى لي سميتو سيدي العرافي، الوصية ديال سيدي العرافي والبركات ديال كتطمئن المراتين ، زبيدة رجعات للدار ولكن خلات مسالة زيارتها للعراف سرية،سيدي محمد بقا في الدارمع ماماه منها نيت الام ديالو زبيدة ينقص احساسها بالوحدة وتحس شوية بالوناسة، التوقعات والتكهنات ديال العرافي صدقوا وجا واحد المرسول من طرف الاب جايب معاه شي تقدية وشوية الفلوس وعايشة عيطات على زبيدة حيت عندها شي أخبار زوينة ان الاب قريب يرجع للدار ويتجمع مع عائلتو عوتاني. وهنا سالا الفصل 10.
العيالات تجمعوا في الدار ديال عائشة وفي هاد الاثناء بينما هما مجمعين وكيشربوا براد ديال اتاي مشحر تلقاو واحد الزيارة من عند واحد المراة سميتها سلمة، وهي المرأة لي كان عندها واحد الدور كبير في زواج مولاي العربي من بنت الحلاق حيت كان باغي الاولاد، جات باش تعترف بالخطأ ديالها وتطلب السماحة من عيشة، وعطاتهم واحد الخبر سخون بنه سيتم الطلاق قريبا بين مولاي العربي وزوجة الثانية ديالو لي يلاه تزوج بيها هنا جات امراة اخرى سميتها زهور بقات كتعاود ليهم على الحادثة لي طرات مع العربي ومرتو الثانية من بعد العيالات بقاو كيديوا على العائلة ديال الحلاق ودكشي. وهنا سالا الفصل 11.
تعليقات
إرسال تعليق